Быйылгы үөрэх дьыла очнай көрүҥүнэн саҕаланар, оттон нэһилиэнньэлээх пууҥҥа эпидемиологическай балаһыанньа мөлтүүр түгэнигэр үөрэнээччилэри кэтэхтэн үөрэххэ көһөрүөхтэрэ.
Бу туһунан бүгүҥҥү брифинг хаамыытыгар вице-премьер Ольга Балабкина иһитиннэрдэ.
«Бүгүн Саха сирин Ил Дархана үөрэх процеһын тэрийиигэ уратытын туһунан ыйаахха илии баттанна. Быйылгы үөрэх дьыла очнай форманан саҕаланар уонна нэһилиэнньэлээх пууҥҥа эпидемиологическай балаһыанньа мөлтүүр түгэнигэр кэтэхтэн үөрэххэ көһөргө муниципальнай тэриллиилэр бэйэлэрэ быһаарыныы ылаллар», – диэтэ кини.
«Оскуолаҕа уонна эбии үөрэхтээһин тэрилтэтигэр төрөппүттэрдээх араас тэрээһиннэри ыытыы көҥүллэммэт. Учууталлар вакцинацияны ааһаннар оҕолорго куттал суох буолуутун хааччыйаллар, ону тэҥэ СӨ Доруобуйа харыстабылын министиэристибэтэ үөрэнээччилэргэ медицинскэй кэтээн көрүү ыытыаҕа уонна гириип утары быһыы ылыахтара», – диэн Ольга Балабкина бэлиэтээтэ.
