Бүгүн, ахсынньы 28 күнүгэр, медицина уонна Роспотребнадзор үлэһиттэригэр «ЭпиВакКорона» вакцинанан быһыыны оҥоруу саҕаланна. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.
Быһыыны 3-с №-дээх Дьокуускай куорат балыыһатын медиктэрэ ыллылар. Маны таһынан Дьокуускай куорат балыыһаларын 34 тэрилтэтигэр быһыыны оҥорор кэбиниэттэри тэрийдилэр.
«ЭпиВакКорона» вакцинанан 18-тан 60-гар диэри саастаах, хроническай ыарыыта суох гражданнарга быһыыны оҥороллор. Быһыы иккис төгүлэ икки-үс нэдиэлэнэн оҥоһуллар. Вакцинаны харайыы уонна тиэйии усулуобуйата, атыттарга тэҥнээтэххэ, боростуой.
Ахсынньы 24 күнүгэр «Вектор» киин оҥорон таһаарбыт 1,2 тыһыынча доза вакцината өрөспүүбүлүкэҕэ кэлбитэ.
