Өрөспүүбүлүкэҕэ бэс ыйын 17-21 күннэригэр эти-сиини эрчийии киһи доруобуйатыгар туһалааҕын сырдатар нэдиэлэ ыытыллар.
Нэдиэлэ устата дьоҥҥо-сэргэҕэ анаан мэдиссиинэ исписэлиистэрэ кыттыылаах биэриилэри көрдөрүөхтэрэ, ыстатыйалары суруйуохтара, араадьыйаҕа эпиирдэри таһаарыахтара.
Билиҥҥи кэмҥэ куорат олохтооҕун физическэй хамнаныытын орто көрдөрүүтэ урукку үйэлэрдээҕэр 50 төгүл аччаан турар. Дьон өр кэмҥэ хамсаммакка олорор, онтон сылтаан гиподинамияланаллар. Бу сүрэх ыарыытыгар, уойааһыҥҥа, сахарнай диабекка, остеопорозка тириэрдиэн сөп.
Эти-сиини эрчийээһин хаан сүүрүүтүн түргэтэр. Бу киһи уорганнарыгар үчүгэйдик дьайар. Ол курдук, сүрэххэ, тыҥаҕа, тымырдарга, былчыҥҥа. Спордунан дьарыктанар киһи тулуурдаах, чэгиэн-чэбдик буолар.
