Саха сиригэр уопсайа 130 тиэргэни уу ылбыт — Кэбээйи Сииттэтигэр уонна Чагдатыгар, Амма Чапчылҕаныгар, Нам Арбыныгар, Чурапчы Мырылатыгар, Таатта Чымынаайытыгар. Зырянка аэропордун көтөр-түһэр балаһатыгар уу оннунан турар.
Россия ЫБММ Саха сиринээҕи салаатын уонна СӨ быыһыыр сулууспатын үлэһиттэрэ нэһилиэктэргэ көмөлөһөллөр. Кытылы бөҕөргөтүнэр тэрээһиннэр ыытыллаллар, хоромньу ахсаанын ааҕар былаас уорганнарын хамыыһыйата үлэлиир.
Өрүстэри кэтээн көрөллөр уонна дьоҥҥо куттала суох усулуобуйаны хааччыйаллар. Бүгүн Колымскайтан 35 км. аллараа Халыма өрүскэ дэлби тэптэрии үлэтин тэрийиэхтэрэ.
Хаартыска Россия ЫБММ Саха сиринээҕи салаатын сайтыттан ылылынна.
