Дьокуускайга Карелия үпкэ министиэристибэтин үлэһиттэрэ уопут атастаһа кэллилэр. Кинилэргэ бастатан туран Саха сирэ бүддьүөтү хайдах туһанара, тыырара интэриэһинэй.
«Саха сирэ — IT-технологияны баһылаабыт регионнартан биирдэстэрэ буолар, ол иһин цифровизация үбү туһанарга хайдах олоҕурарын көрүөхпүтүн баҕарабыт», — диэн Карелия үпкэ миниистирэ Елена Антошина эттэ.
СӨ үпкэ миниистирэ Валерий Жондоров эппитинэн, региоҥҥа уопсайа сэттэ исписэлиис кэлбит.
«Саха сирин үпкэ министиэристибэтин үлэтигэр олохтоох бэйэни салайыныытын уорганнарын, цифровизация уонна цифровой трансформация дьайыыларын боппуруостарынан биир идэлээхтэрбитин кытта уопут үллэстэбит. Ыалдьыттар үбү сөпкө туһаныыны уонна хонтуруоллааһыны сэҥээрэллэр. Ону таһынан Дьокуускайга IT-пааркаҕа уонна Хаҥалас олохтоох көҕүлээһинин өйүүр бырайыак чэрчитинэн тутуллубут эбийиэктэригэр сылдьыахтара», — диэн Валерий Жондоров эттэ.
