Өрөспүүбүлүкэ олохтоохторун коллективнай иммунитетын былаана 79,49%-н туолла. Бу туһунан ТАСС иһитиннэрэр.
«Биһигини вакцинация эрэ туһалыаҕа, аймахтарбытын, чугас дьоммутун харыстыаҕа. Биһиэхэ коллективнай иммунитет олохтоноро чугаһаата, билигин Саха сирин олохтооҕуттан 79,49% киһи быһыы ылбыт. Саҥа штаммнар олус кутталаахтар, ол иһин барыгытыгар вакцина ыларгытыгар эбэтэр ревакцинацияны ааһаргытыгар ыҥырабын. Дьаҥы кыайар соҕотох ньыма вакцина эрэ», — диэн Айсен Николаев эттэ.
Билигин Саха сиригэр уопсастыбаннай сирдэргэ киһи вакциналаммытын туоһулуур QR-кодтаах киирэр буолла. Алтынньы 20 күнүттэн култуура тэрилтэлэригэр QR-кодтаах эрэ киллэрэр буоллулар.
Ону тэҥэ алтынньы 25 күнүттэн Саха сиригэр фитнес-кулууп, дьарыктанар саала, спорт саалата, бассейн, манеж, хайыһар базата, каток уо.д.а. спорт тэрилтэлэрэ QR-код систиэмэтинэн үлэлиэхтэрэ.
Сэтинньи 1 күнүттэн рестораннарга, кафеларга, остолобуойдарга уонна банкет саалатыгар QR-коду киллэриэхтэрэ.
