Ил Дархан Айсен Николаев быһа эфиригэр Саха сиригэр коронавируһу утары вакциналааһын олунньуга саҕаланарын туһунан эттэ. «Вакцинаны олунньу-кулун тутар диэки элбэҕи оҥорон таһаарар буоллахтарына, маассабай вакциналааһын саҕаланыаҕа. Бастатан туран, быраастар, учууталлар, быраабы араҥаччылыыр уорганнар үлэһиттэрэ ылыахтара», — диэтэ кини.
Уопсайынан, өрөспүүбүлүкэ доруобуйатын харыстабылын тэрилтэлэрэ кыһалҕалары кыайар диэтэ.
«Биллэн турар, доруобуйа харыстабылын систиэмэтигэр ноҕурууска кытаанах. Ону кытта эмп-томп хааччыллыытынан, эмтэнэр миэстэ баарынан өрөспүүбүлүкэ Россияҕа бастыҥнарга киирсэр. Дьокуускайга ковиды быһаарыы барыла бэрээдэктэннэ, билигин хоту оройуоннарга ыарахаттар бааллар. ИФА, ИХА тестынан быһааран баран, ПЦР-га ыытарга дьаһайбытым. Ол аата дьону эмтээһини саҕалыырга бириэмэни сүтэрбэппит», — диэтэ Айсен Николаев.
