Ахсынньы 5 күнэ – оҕо биир сомоҕо хамсааһына төрөөбүт күнэ. Бу хамсааһын өрөспүүбүлүкэҕэ аахсыйалары, сүлүөттэри, социальнай бырайыактары, кылаас чаастарын үөрэнээччилэргэ анаан тэрийэр. Оҕо түмсүүлэрин көхтөөхтүк сайдалларын өйүүр, салайааччыларын, лидердэрин үөрэтэр. Саҥа технологияны, ураты ньыманы, сонун уопуту, аныгылыы идиэйэлэри киллэрэр.
Владислав Бурнашев Мииринэйдээҕи политехническай үөрэнээччитэ, Саха өрөспүүбүлүкэтин оҕо сэбиэтин саҥа председателэ:
«Россиятааҕы үөрэнээччилэр бүттүүн хамсааһыннара дойдубут бары
муннуктарын үөрэнээччилэрин түмэр, сомоҕолуур, биир хайысхалаахтык,
биир сыаллаахтык үлэлиири, үөрэнэри көҕүлүүр. Оҕо хамсааһына үөрэнээччини бары өттүнэн сайыннарар сыаллаах, киэҥ хабааннаах, үрдүк таһымнаах тэрээһиннэри ыытар. Онуоха Мииринэй улууһун оҕо тэрилтэтэ бары тэрээһиннэргэ тэтимнээхтик кыттар».
«Мин оҕо уопсастыбатыгар киирэн, элбэххэ үөрэммитим, сонун көрүүлэри, биир санаалаах, идиэйэлээх доҕоттору, умнуллубат түгэннэри бэлэхтээбитэ. Үүнэр көлүөнэ иитиитигэр олус туһалаах, наадалаах үлэ», — диэтэ Алиса Ладикова, Саха өрөспүүбүлүкэтин оҕо сэбиэтин 2019-2020 сс. бэрэссэтээтэлэ.
«Оҕо оскуолаттан иллэҥ кэмигэр дьарыктаах буоллаҕына эбии сайдар, билиитэ-көрүүтэ дириҥиир. Оҕо түмсүүтэ мин олохпун улаханнык уларытта, инникигэ былааннар баар буоллулар дии саныыбын. Сахабыт сирин кэлэр кэскилин иитэн, үөрэтэн таһаарар түмсүү», — диэтэ Алина Михайлова, Саха өрөспүүбүлүкэтин оҕо сэбиэтин 2020-2021 сс. бэрэссэтээтэлэ.
