Оҕолорго аналлаах тэрээһиннэр, ол иһигэр Ил Дархан харыйата, былаан быһыытынан ыытыллыаҕа. Бу туһунан Айсен Николаев «Россия24» ханаалга иһитиннэрдэ.
«Саҥа дьыллааҕы оҕолор тэрээһиннэрэ буолуохтара. Сулууспалыы сылдьар дьон оҕолоругар улахан болҕомто ууруохпут. Үгэс буолбут «Ил Дархан харыйата» эмиэ ыытыллыаҕа, кырачааннарбытын Саҥа дьылынан эҕэрдэлиэхпит», – диэбит кини.
Оттон «Кыһын Саха сириттэн саҕаланар» бэстибээл сүрүн чааһа эмиэ оҕолорго ананыаҕа. Айсен Николаев быһа эфиргэ тэрилтэ салайааччыларын корпоративнай бырааһынньыктартан туттунарга ыҥырда.
«Ил Дархан харыйата» тэрээһин 1998 сыллаахтан ыытыллар, тэрээһиҥҥэ 9-11 кылаас уһулуччу ситиһиилээх оҕолоро кытталлар.
