«Предупреди пожар – установи АДПИ!» социальнай аахсыйа нэһилиэнньэ олорор пуондатыгар баһаары сэрэтэр тэрили туруортарарын көҕүлүүр бүтүн өрөспүүбүлүкэтээҕи челлендж буолар.
Аахсыйаны тэрийээччи – СӨ нэһилиэнньэтигэр куттала суох олоҕу хааччыйар Судаарыстыбаннай кэмитиэт.
Аахсыйа кыттыылааҕынан СӨ ханнык баҕарар олохтооҕо буолуон сөп.
Кыттааччылар АДПИ-ны атыылаһан ылан ханна баҕарар – дьиэлэригэр (кыбартыыраларыгар), төрөппүттэрин, аймахтарын, билэр дьоннорун дьиэлэригэр, нэһилиэнньэ социальнай өттүнэн көмүскэлэ суох араҥата олорор сирдэригэр төһөнү баҕарар туруортарыахтарын сөп.
АДПИ – автономнай, буруо сытын ылла даҕаны суһаллык биллэрэр баһаары утары тэрил.
Аахсыйа усулуобуйатынан, АДПИ-ны туруоруу видеоматырыйааллара уонна хаартыскалара баар буолуохтаахтар. Итиннэ эбии АДПИ туһатын туһунан видеонан кэпсиэххэ сөп.
Инстаграм сирэйигэр аахсыйа уонна АДПИ-ны туруортарбыт туһунан информацияны Госкомобеспечение @gkbjd_yakutia инстаграм-аккаунун бэлиэтээн уонна #предупредипожарсАДПИ хэштеги суруйан туран угуллуохтаах.
Салгыы челлендж атын кыттааччыларга (бииргэ үлэлиир дьоҥҥутугар, доҕотторгутугар, билэр дьоҥҥутугар, судаарыстыбаннай былаас ситэриилээх уонна бэйэни салайыныы уорганнарыгар, тэрилтэлэргэ) бэриллиэхтээх. Кыттааччы ахсаана хааччаҕа суох.
Аахсыйа кыттыылаахтара, усулуобуйаны толорон баран, быһаччы сүүйүүлээх оонньуу кыттааччылара буолаллар.
Сүүйүүлээх оонньуу усулуобуйалара:
Госкомобеспечение @goskomobzh_yakutia инстаграм-аккаунугар подпискалаах буолуохтааххыт.
Госкомобеспечение сүүйүүлээх оонньуу туһунан суруйан таһаарбытын лайктыыгыт.
Госкомобеспечение сүүйүүлээх оонньуутун туһунан репост оҥороҕут.
Аахсыйа 2021 сыл муус устар 22 күнүттэн 2021 сыл ахсынньы 31 күнүгэр диэри ыытыллар.
