Саха сиригэр «Пушкин каартатыгар» сэттэ киинэ саалата холбонно

Өрөспүүбүлүкэҕэ «Пушкин каартатынан» сэттэ киинэ саалатыгар киинэлэри босхо көрүөххэ сөп.

Бу туһунан СӨ култууратын уонна духуобунай сайдыытын миниистирин солбуйааччыта Марина Силина иһитиннэрдэ.

«Бырагыраамаҕа Тиксии, Хатас, Бэрдьигэстээх, Майа, Чурапчы киинэ саалалара уонна Ньурба уонна Дьокуускай чааһынай киинэ тыйаатырдара холбоннулар», — диэтэ кини.

«Пушкин каартатынан» Россия киинэлэриттэн ураты босхо саха режиссердарын киинэлэрин көрүөххэ сөп: «Мин үрдүбэр күн хаһан да киирбэт», «Тойон кыыл», «Холодное золото», «Дьикти саас», «Государственные дети», «Сааскы кэм» уо.д.а. Уопсайа бырагыраамаҕа 13 саха киинэтэ киирдэ.