2021 сыл от ыйын 1 күнүттэн Дьокуускай, Нерюнгри, Ньурба, Мирнэй куораттар уонна Бэрдьигэстээх олохтоохторо чэпчэтиинэн туһанар (льготалаах) каартаны оҥотторуохтарын сөп. Бу туһунан Саха сирин баһылыгын уонна бырабыыталыстыбатын пресс-сулууспата иһитиннэрэр.
2021 сылга бу бырайыак Дьокуускайга, Нерюнгригэ, Мииринэйгэ, Ньурбаҕа уонна Горнайга үлэлиэҕэ.
Социальнай каартаҕа киһи ханнык чэчпэтиинэн, көмөнөн, өҥөнөн туһанара көстөр. Хас биирдии улуус, куорат өссө ханнык көмөнү, чэпчэтиини оҥорорун быһаарар. Оччотугар, холобур, элбэх оҕолоох дьиэ кэргэн көмөнү ыларыгар, кумааҕы докумуонунан бигэргэтэрэ ирдэммэт.
Саха сирин олохтооҕун каартата нэһилиэнньэ судаарыстыбаннай уонна муниципальнай өҥөлөрүнэн туһанарын судургутутар, төлөбүр сервистарынан туттарга эмиэ табыгастаах буолар. Бу маннык каартаны ылбыт киһи саҥа технологиялары туһанан, кумааҕы докумуоннара суох, өҥөнү ылара быдан чэпчиэҕэ.
Каартаны саҥа үлэлээбит www.card.sakha.gov.ru сайтка киирэн оҥотторуохха, туттар быраабылалары уонна каартанан чэпчэтии оҥорор тэрилтэлэр испииһэктэрин кытта билсиэххэ сөп.
