Ааспыт сылга «Местные кадры в промышленность» бырайыак таһаарыылаахтык түмүктэммитэ. 22 тыһ. тахса Саха сирин олохтооҕо АЛРОСА-ҕа үлэлэн хааччыллыбыта.
Аны билигин саҥа түһүмэх арыллар — «Работающая Якутия. Кадры» бырайыак. Бүгүн АЛРОСА ити бырайыакка кыттыгастаах буолла. «Хозактив» форумҥа АЛРОСА, СӨ Нэһилиэнньэ дьарыктаах буолуутун кэмитиэтин уонна СӨ Бырамыысыланнас уонна геология министиэристибэтэ бииргэ үлэлэһэр туһунан сөбүлэҥҥэ илии баттастылар.
Бырагыраамаҕа саҥа вакансиялар, стажировкалар, үөрэтиилэр, тэритлэлэри кытта үлэ киирэллэр. Быйыл олохтоох нэһилиэнньэттэн 3 тыһыынчаттан тахса киһини хабар былааннаахтар.
Бу хас биирдии киһи сөптөөх дьыаланы ылсан үөрэнэригэр уонна Саха сиригэр үлэлии хааларыгар анаан бырайыак олоххо киирэр. Бырамыысыланнас сайдыыта дьонтон саҕаланар. Биһиги инникилээх Саха Өрөспүүбүлүкэтин түстүүбүт», — диэн Ил Дархан эттэ.
