Өрөспүүбүлүкэҕэ Сомоҕолоһуу күнүн бэлиэтииргэ кэккэ тэрээһиннэр ыытыллаллар, үксүлэрэ онлайн буолар.
Ол курдук, сэтинньи 2 күнүгэр олохтоох бириэмэнэн 15.00 чааска ZOOM платформаҕа «У нас единая Россия — у нас единая страна» тэрээһин ыытыллар.
Сэтинньи 3 күнүгэр Саха сирин Национальнай архыыба Сомоҕолоһуу күнүн историятын туһунан радиобиэриилэри Instagram ситимҥэ угуоҕа. Ону тэҥэ «Патриотические подвиги Кузьмы Минина и Дмитрия Пожарского»история чааһа уонна патриотизм тиэмэтигэр аналлаах музей уруоктара ыытыллыахтара.
Бу күн олохтоох бириэмэнэн 11:00 чааска «Большой этнографический диктант» онлайн ыытыллыаҕа.
Сэтинньи 3-4 күннэригэр олохтоох бириэмэнэн 10.00 чааска Instagram-ҥа @simexsakha «Национальные изделия народов мира» виртуальнай быыстапка тэрийэллэр.
Сэтинньи 4 күнүгэр СӨ тас сибээскэ уонна норуоттар дьыалаларыгар министиэристибэтэ Instagram нөҥүө өрөспүүбүлүкэтээҕи «Единство в нас» фотокуонкурус түмүгүн иһитиннэрэр.
Ону таһынан бу күн Дьокуускайга Гагарин аатынан Култуура уонна аныгы искусство киинэ Instagram, YouTube ситимнэргэ уонна официальнай саайтыгар «Единство традиций народа Российского» диэн национальнай таҥас уонна талаан куонкуруһун тэрийиэҕэ.
Ону тэҥэ СӨ Ыччат дьыалаларыгар уонна социальнай коммуникацияларга министиэристибэтэ Instagram ситимигэр «Россия в нашем сердце» уонна «Марафон наций» аахсыйалары ыытыаҕа.
Сэтинньи 4 күнүгэр Дьокуускайга «Хотугу Сулус» уордьан бастакы кавалера В.Г. Павлов скверин уонна Саха народнай артыыһа, РСФСР народнай артыыһа В. Д. Антонов пааматынньыгын аһыллыылара буолар.
СӨ Ыччат дьыалаларыгар уонна социальнай коммуникацияларга министиэристибэтэ «Моя Россия» уруһуй куонкуруһун ыытар, онно үлэни #ДЕНЬНАРОДНОГОЕДИНСТВА2021 хэштегынан бэлиэтээн баран Instagram ситимҥэ угаҕыт.
«Народная кухня» аһылык маастар-кылааһын НКИХ «Caxa» ханаалга, @mvsidn_yakutia, @ddn_yakutia Instagram аккауннарга көрдөрүөхтэрэ.
Аан дойду норуоттарын хомуһун киинин саайтыгар сыллата ыытыллар «Хомусный диктант» буолуоҕа. Ону тэҥэ Россия үөрэнээччилэрин хамсааһына флешмобтары, челленджтэри, куонкурустары ыытыаҕа.
НКИХ «Caxa» ханаалга «Хатан» уус-уран киинэ көстүөҕэ. Россия 150 киинэ тыйаатырыгар «Тыгын Дархан» киинэ көстүөҕэ.
Емельян Ярославскай аатынан Хотугу норуоттар историяларын уонна култуураларын холбоһуктаах судаарыстыбаннай музейыгар уонна СӨ Национальнай уус-уран музейыгар аһаҕас ааннар күннэрэ ыытыллар.
СӨ Национальнай библиотекатын саайтыгар 10.00 чаастаан «День народного единства» виртуальнай быыстапка ыытыллар. Ол кэмҥэ «Россия — Моя мин историям» историческай пааркаҕа Сомоҕолоһуу күнүгэр оскуола оҕолоругар аналлаах экскурсия тирийэхтэрэ. Онно Нуучча географическай уопсастыбатын киинэлэрин көрдөрүөхтэрэ.
11.00 чааска Instagram @yakutmuseum «Русские старожилы Заполярной Якутии» онлайн-экскурсия тирийиэхтэрэ.
Олохтоох бириэмэнэн 12.00-20.00 чаастарга судаарыстыбаннай култуура тэрилтэлэригэр «Ночь искусств» бүтүн Россиятааҕы аахсыйа ыытыллыаҕа.
Сэтинньи 6 күнүгэр киэһэ 22.00 чаастан по НКИХ «Caxa» ханаалга эстрада артыыстара «Ситим» медиахолндины кытта онлайн кэнсиэр көрдөрүөхтэрэ.
