Сэтинньи 12 күнүгэр Москваҕа «Россия» быыстапка-форумҥа «Мой спорт» Ауо уонна СӨ экономикаҕа министиэристибэтэ региоҥҥа спорка сыыппара систиэмэтин сайыннарыыга судаарыстыбаннай-чааһынай бииргэ үлэлээһин (ГЧП) сөбүлэҥэр илии баттастылар.
Регион спортивнай тэрилтэлэрэ үлэлэрин сыыппара эйгэтигэр көхтөөхтүк киллэрэллэр. Бүгүҥҥү күҥҥэ 300 кэриҥэ тренер үлэтигэр электроннай сурунаалы туһанар. Өрөспүүбүлүкэҕэ 9200 кэриҥэ спортсмен бэйэтин туругун онлайн көрүҥүнэн кэтиир.
Өрөспүүбүлүкэҕэ саха төрүт оонньууларын сайыннарыы 15 сыллаах сөбүлэҥ биир тутаах соруга буолар. «Мой спорт» Ауо уонна СӨ спорка министиэристибэтэ ити хайысханы сайыннарарга сүдү болҕомтолорун ууруохтара.
