Россия премьер-миниистэрэ Михаил Мишустин дьаһалынан федеральнай үбүнэн ылыллыбыт суһал көмө массыыналарын иккис партията өрөспүүбүлүкэҕэ кэллэ.
Саҥа көлөлөр докумуоннарын ситэрии уонна регистрациялааһын кэнниттэн Бүлүү, Ленскэй, Мииринэй, Мэҥэ-Хаҥалас, Алдан уонна Нерюнгри оройуоннарыгар ыытыллыахтара. Ону тэҥэ өрөспүүбүлүкэтээҕи медицинэ киинигэр уонна түөрт массыына Дьокуускай куорат туһаныытыгар бэриллиэҕэ.
Санатан эттэххэ, массыыналар бастакы партиялара Саха сиригэр бэс ыйын 1 күнүгэр кэлбитэ.
Инники Россия бырабыыталыстыбата бэйэтин саппаас пуондатыттан 5,2 млрд. солкуобай үбү дойду регионнарыгар медицинскэй суһал көмө массыыналарын ылыыга ыыппыта.
