Муус устар 4 күнүгэр «Сулус» полигоҥҥа анал байыаннай дьайыы бэтэрээннэрин ортолоругар ытыыга бастакы турнир буолла.
Турниры Саха сирин СВО бэтэрээннэрин Ассоциацията уонна «Сулус» киин тэрийдилэр.
Күрэхтэһиигэ 38 бэтэрээн кытынна. Турнир 400 миэтэрэ уһуҥҥа «Автомат Калашникова» уонна «Снайперская винтовка Драгунова» курдук дьиссипилиинэлэринэн барда.
Тэрийээччилэр бэлиэтээбиттэринэн, турнир СВО кыттыылаахтарыгар социальнай адаптацияҕа уонна реабилитациялааһыҥҥа, ону тэҥэ ытыы көрүҥүн сайыннарыыга уонна бэтэрээннэр ортолоругар доҕордоһуу сыһыаны бөҕөргөтүүгэ туһуланар.
«Автомат Калашникова» көрүҥ түмүгэ:
бастакы миэстэ – Е.А. Королев,
иккис миэстэ – А.Г. Колесов,
үһүс миэстэ – П.П. Хабаров.
«Снайперская винтовка Драгунова» көрүҥ түмүгэ:
бастакы миэстэ – А.В. Северьянов,
иккис миэстэ – С.А. Громов,
үһүс миэстэ – А.П. Новгородов.
