Өрөспүүбүлүкэҕэ 2026 сыл саҕаланыытыттан 197 тыһ кв. миэтэрэ иэннээх олорор дьиэ үлэҕэ киирдэ. Уопсай кээмэйтэн 73,9 тыһ кв. миэтэрэ — элбэх кыбартыыралаах дьиэлэр, оттон 124 тыһ кв. миэтэрэ — бэйэ дьиэни туттуу (ИЖС). Дьиэни тутуу Россия бэрэсидьиэнэ Владимир Путин көҕүлээбит «Инфраструктура для жизни» национальнай бырайыак чэрчитинэн, ону таһынан, «Биир Ньыгыл Россия» баартыйа Норуодунай бырагырааматынан ыытыллар. Баартыйа Саха сиринээҕи салаатын сэкирэтээрэ — Ил Дархан Айсен Николаев.
Региоҥҥа тутуу үрдүк тэтиминэн барара тиһэх сылларга салҕанна. 2025 сыл түмүгүнэн Саха сиригэр 809,3 тыһ кв. миэтэрэ олорор дьиэ үлэҕэ киирдэ, бу 2024 сыллааҕы көрдөрүнү (752,4 тыһ кв. миэтэрэ) 7%-нан куоһарда уонна 690 тыһ кв. миэтэрэ былаантан үрдүк. Тиһэх 12 сыл иһигэр өрөспүүбүлүкэҕэ 7,3 мөл кэриҥэ кв. миэтэрэ дьиэ үлэҕэ киирдэ.
Тутуу үрдээһинигэр бэйэ дьиэни туттуу улахан суолталаах. 2025 сылга бу кээмэйэ 462 тыһ кв. миэтэрэ буолан, 9,7%-нан улаатта, онтон элбэх кыбартыыралаах дьиэлэр 347,3 тыһ кв. миэтэрэҕэ тиийдилэр, бу инники сыллааҕы таһымтан 4,8%-нан үрдүк.
Хаартыска: Мария Архипова/«Якутия 24»
