Өрөспүүбүлүкэҕэ анал байыаннай дьайыы кыттыылаахтарын өйүүр «Сылаас күһүн» патриотическай аахсыйа үлэтэ салҕанар. Бу туһунан брифиҥҥэ «#МЫВМЕСТЕ» бүтүн Россиятааҕы аахсыйа Саха сиринээҕи штабын салайааччыта Айыллаан Винокуров иһитиннэрдэ.
«Саха сириттэн байыаннай дьайыыга кытта сылдьар байыастарбытыгар сылаас таҥаһы хомуйар «Сылаас күһүн» аахсыйа үлэлиир. Манна ким баҕалаах кыттыан сөп, ол иһигэр олохтоохтор, тэрилтэлэр уонна тэриллиилэр», – диэн Айыллаан Винокуров бэлиэтээтэ.
Байыаннай дьайыыга кытта сылдьар биир дойдулаахтарбытыгар сылаас таҥаһы хомуйуу маннык аадырыска ыытыллар: Дьокуускай куорат, Бестужев-Марлинскай уул. 5 дь. (ДОСААФ). Пуун бэнидиэнньиктэн бээтинсэҕэ сарсыарда 09.00 чаастан киэһэ 19.00 чааска диэри үлэлиир.
