Өрөспүүбүлүкэҕэ 2025 сылга бүтэһик биэс сыллааҕы үүт соҕотуопкатын көрдөрүүтүнэн саамай үрдүк кээмэйи ситистилэр — 63,5 тыһ тахса туоннаны бэлэмнээтилэр.
Тыа хаһаайыстыбатын уонна ас-үөл бэлиитикэтин министиэристибэтэ иһитиннэрэринэн, соҕотуопкаламмыт кээмэй сыллааҕы былаантан 100,9% тэҥ. Бу 2024 сыллааҕы көрдөрүүнү 6%-нан куоһарда. Бу сыалларга 4,427 млрд солк суумалаах субвенция көрүллүбүт. 47 оҥорон таһаарар тэрилтэ ыаммыт үүтү «Сервис учёта принимаемого молока в РС(Я)» сыыппара платформатын нөҥүө тутар.
Муниципальнай тэриллиилэр ортолоругар сыллааҕы былааҥҥа саамай бастыҥ көрдөрүүлэри ситистилэр: Үөһээ Дьааҥы улууһа — 106,1%, Сунтаар — 104,8%, Горнай — 102,1%, Чурапчы — 101,2%, Хаҥалас – 101,1%, Уус Маайа — 101,1%, Мэҥэ Хаҥалас — 100,7%, Кэбээйи — 100,6%, Өлүөхүмэ — 100,6%, Уус Алдан – 100,2%.
Хаартыска: СИА
