Дьокуускайга телемедицинскэй консультацияны күүһүрдүөхтэрэ. Бу туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.
«Уустук соҕус балаһыанньа Аммаҕа, Үөһээ Бүлүүгэ, Бүлүүгэ, Кэбээйигэ, Мэҥэ Хаҥаласка, Муомаҕа, Намҥа, Ньурбаҕа, Өймөкөөҥҥө, Өлөөҥҥө, Тааттаҕа, Томпоҕо, Уус Майаҕа, Чурапчыга, Эбээн Бытантайга турар. Ону учуоттаан, Ил Дархан Дьокуускайтан телемедицинскэй консультациялары элбэтэргэ сорудахтаабыта. Ревакциянация тиэмпэтин түргэтэтэргэ. Холобур, вакцинаны хос ылыы Дьокуускайга 48% кыччаабыт. Ону таһынан, коронавирустаабыт дьон улахан аҥаардара вакцината суох, 94%-нара чэпчэкитин ыалдьар, балыыһаҕа киирэр дьон ахсаана эмиэ аҕыйах», — диэн иһитиннэриигэ этиллэр.
Эпидемиологическай балаһыанньа арыый тупсубутунан сибээстээн, оскуолалары очнай үөрэххэ көһөрүөхпүт. Ол эрээри 20% оҕо ыарыйдаҕына, биирдиилээн кылаастар сабыллыахтара. Итиэннэ биирдиилээн улуустарга, нэһилиэктэргэ олунньу 15 күнүгэр диэри салҕаныаҕа.
