Коронавирус утары быһыыны ылыыга өрөспүүбүлүкэҕэ Аллайыаха оройуона инники иһэр, 90,41 % улахан дьон вакцинация ааспыт. Бу туһунан өрөспүүбүлүкэтээҕи суһал штаб иһитиннэрэр.
Аллайыаха оройуона бастыҥ көрдөрүүлээх – 90,41 %, иккис Муома улууһа буолла – 89,29%, онтон салгыы Үөһээ Халыма – 84,78%, Орто Халыма — 83,99%, Эдьигээн — 82,64% иһэллэр.
Нам, Чурапчы, Өлүөхүмэ, Горнай, Амма, Миирнэй оройуоннарыгар быһыыны ылыы таһыма 60% намыһах.
Билиҥҥи туругунан, уустук балаһыанньа Миирнэйгэ (31 түбэлтэ), Өлүөхүмэҕэ (19), Мэҥэ Хаҥаласка (17), Нерюнгригэ (15), Алдаҥҥа (14), Хаҥаласка (14) бэлиэтэннэ.
Өрөспбүүлүкэҕэ быһыы бастакы компоненын 488 694 киһи (68,2% улахан дьон) ылла.
«Саастаах уонна дьарҕа ыарыылаах дьон бэйэҕит олорор поликлиникаҕытыгар коронавирус утары быһыыны ыларгытыгар ыҥырабын. Бу категория дьоҥҥо ыарыыттан саамай көдьүүстээх көмүскэл быһыы буолар», — диэтэ Ольга Балабкина.
