Өрөспүүбүлүкэ олохтоохторо ахсынньы 4 күнүттэн Саҥа дьылынан чугас дьоннорун босхо аккырыыкканан эҕэрдэлиир кыахтаныахтара. Саха сиригэр аахсыйаны үгэс быһыытынан 2021 сылтан «Мин докумуоннарым» киин ыытар.
Аахсыйаны төрдүс төгүлүн ыыталлар. Бу кэм устата дойду үрдүнэн 15 тыһ. аккырыыкканы ыыттылар, быйылгы тираж 3000-ҕа тэҥ.
Киин партнердара: «Алмазэргиэнбанк», «Почта России» уонна «Ахсым» рекламнай-полиграфическай хампаанньа.
Аккырыыкканы ыытарга: аахсыйа ыытыллар пуунугар тиийэн аккырыыкканы толорон «Почта России» туруорбут анал дьааһыгар угуохха наада. Дойду хайа баҕар регионугар босхо ыытыахха сөп.
Аккырыыкканы сөпкө толорор быраабылалар:
- Нэһилиэнньэлээх пууннар индекстарын сөпкө ыйын;
- Сөптөөх аадырыстары ыйын.
Аахсыйа ыытыллар аадырыстара:
- «Мин докумуоннарым» киин офиһа, Аммосова уул., 18.
- «Алмазэргиэнбанк» офиһа, Ленин проспега, 10.
Аахсыйа ыытыллар кэмэ аккырыыкка ахсааныттан тутулуктаах. Аккырыыккалары РФ эрэ иһинэн ыытар кыах баар.
