Саха сиригэр «Земскэй учуутал» бырагыраама бастакы түһүмэҕэ түмүктэннэ. Бу туһунан СӨ үөрэххэ уонна наукаҕа министиэристибэтин пресс-сулууспата иһитиннэрэп.
«Салгыы экспертар киирбит докумуоннары сыаналыахтара уонна хас биирдии кыттааччыга бааллары туруоруохтара», — диэн миниистир Владимир Егоров бэлиэтээтэ.
2020 сыл олунньу ыйыттан 356 сайаапка киирбитэ этиллэр. Уопсайа 123 кытааччы регистрацияланна: Саха сириттэн — 65, атын регионнартан — 58. Бырагыраама кыайыылаахтара ыам ыйын 15 күнүгэр биллэриллиэхтэрэ. Талыллыбыт кыттыылаахтары кытта оскуолалар биэс сылга болдьохтоох дуогабар түһэрсиэхтэрэ.
Инники этиллибитинэн, «Земскэй учуутал» бырагыраама Россия бэрэсидьиэнэ Владимир Путин дойду Сүбэ мунньаҕар туһаайыытынан тэриллибитэ. Бырагыраама кыттыылаахтара 1 мөлүйүөн солкуобай кээмэйдээх төлөбүр ылыахтара.
