Дьоҕус бизнес экономическай биэрэпиһин чэрчитинэн өрөспүүбүлүкэ тэрилтэлэрин 64,1 %-на отчуоттаата. Бу туһунан «Сахастат» пресс-сулууспата иһитиннэрэр.
Саха сирин дьоҕус тэрилтэлэрин 76,5 %-на уонна урбаанньыттарын 59,6 %-на кыттыыны ылла.
Өрөспүүбүлүкэ 100-тэн аҕыйах респонденнаах оройуоннарыттан лидердэринэн буоллулар: 92 %-тан тахса көрдөрүүлээх Аллайыаха уонна Анаабыр улуустара. 100-250 респонденаахтарга – 87 %-тан тахса көрдөрүүлээх Үөһээ Халыма уонна Аллараа Халыма улуустара, 250-600 респонденнаахтарга – 93 %-тан тахса көрдөрүүлээх Горнай, Амма уонна Томпо улуустара, 600-1000 респонденнаахтарга – 80 %-тан тахса көрдөрүүлээх Таатта уонна Нам улуустара.
Улахан оройуоннар кэккэлэригэр Миирнэй уонна Ленскэй оройуоннарын 71 %-тан тахса респонденнара отчуоттаабыттар. Регион дьоҕус бизнеһын 49,1 %-на баар Дьокуускайга — 57,7%-н тэрилтэ отчуоттаабыт.
Регистрация уонна отчуоту бэрэбиэркэлээһин Россия үрдүнэн бара турар. Саха сирин урбаанньыттара ыстарааптаммат туһугар Росстат сайтын уонна электроннай докумуоннар оператордарын нөҥүө, ону тэҥэ электроннай почтанан ыытан, эбэтэр статистика уорганнарыгар тиийэн 2021 сыл муус устар 30 күнүгэр диэри отчуоттуохтаахтар.
