Коронавирус утары вакцинацияны толору 94 287 Саха сирин олохтооҕо ааста. Бу туһунан өрөспүүбүлүкэтээҕи суһал штаб иһитиннэрэр.
Ол иһигэр 60-тан аҕа саастаах дьон — 23 036.
Вакцина бастакы түһүмэҕин 114 933 гражданин ылла, ол иһигэр аҕа саастаах — 29 706 киһи.
Коронавирус ыарыыта саҕалыаҕыттан өрөспүүбүлүкэҕэ уопсайа 136 084 вакцина дозата кэлбит. Ыам ыйын 12 күнүнээҕи туругунан, препарат уопсай кээмэйиттэн 84,6 %-на туһанылынна.
Өрөспүүбүлүкэҕэ коронавируһу быһаарар 16 лаборатория үлэлиир: Дьокуускайга 12, Нерюнгригэ, Алдаҥҥа, Миирнэйгэ уонна Мэҥэ Хаҥаласка биирдии. Лабораторияларга нуорманан 100 тыһыынча нэһилиэнньэҕэ 150 тест оҥоруохтаахтааҕа, сууккаҕа ПЦР-быһаарар 6 950 тест оҥоһуллар.
