Тыа сирин бөһүөлэктэрэ уонна куораттар көрүөхтэн кэрэ көстүүлээх буолалларыгар туох мэһэйдиирий? Бу туһунан өрөспүүбүлүкэ архитектордара форум кэмигэр сүбэлэстилэр.
Тэрээһин уратыта диэн быйыл аан бастакытын олохтоох дьаһалталар кытталлар. Кэлиҥҥи кэмҥэ киин сиргэ эрэ буолбакка, улуустарга чааһынай дьиэни-уоту тутуу, норуот күүһүнэн сквердэри, бэлиэ түһүлгэлэри оҥоруу тэтимнээхтик барар.
Онон форумҥа нэһилиэнньэлээх пуун генеральнай былааныттан саҕалаан, цифровой тиһиккэ көһүү, архитектордар боломуочуйаларын үрдэтии уонна да атын өрүттэри таарыйан, онно олохтоох дьаһалталары кытта биир сүбэнэн үлэлиир суолталааҕын эттилэр.
Архитектордар урут сылга иккитэ түмсэр буоллахтарына, аны мантан ыла кыбаартал аайы мустан сүбэлэһиэхтэрэ диэн бэлиэтэнэр.
