Арктика улуустарын олохтоохторугар Ил Дархан Айсен Николаев сорудаҕынан саҥа өйөбүл миэрэтэ көрүлүннэ.
Бу туһунан бүгүн СӨ тутуу миниистирэ Виктор Романов Ил Дархан уонна СӨ Бырабыыталыстыбатын дьаһалтатын социальнай ситимнэригэр быһа эпииргэ иһитиннэрдэ.
Арктика 13 улууһун олохтоохторугар чааһынай дьиэни тутарга аналлаах сүрүн матырыйааллары аҕаларга көмөлөһүөхтэрэ. Бу маны таһары Арктикатааҕы атыы-эргиэн-логистическай хампаанньа босхо оҥоруоҕа.
«Бүгүҥҥү күҥҥэ тэрээһиннэр оҥоһулуннулар, биһиги сотору Арктикаҕа чааһынай дьиэни тутары өйүүр быһаарыныыны ылыахпыт. Арктикатааҕы тырааныспар-логистическай хампаанньа нөҥүө матырыйааллары таһыахтара. Холобура, Арктика олохтооҕо Дьокуускайга чааһынай дьиэни тутууга анаан матырыйааллары атыылаһар, хампаанньа баазатыгар аҕалан туттарар, ону буоллаҕына Арктикатааҕы тырааныспар-логистическай хампаанньа улуустар кииннэригэр тиэрдэр», – диэн Виктор Романов эттэ.
Бу көмө миэрэтэ Арктикаҕа олорор чааһынай дьиэ тутуутун сыанатын быдан түһэриэ диэн кини бэлиэтиир.
Хаартыска: Андрей Сорокин / ЯСИА
