СӨ бэтэринэриийэтин управлениетын тэрилтэлэригэр сэттэ саҥа тиэхиньикэни туттардылар: үс УАЗ-220695-04 массыына, түөрт хаарынан сүүрэр «Буран».
УАЗ-220695-04 массыынаны Сунтаар уонна Чурапчы улуустарын бэтэринэриийэлэрин управлениелара, Дьокуускайдааҕы өрөспүүбүлүкэ бэтэринээринэй лабораторията ыллылар, «Буран Лидер» снегоходу — Үөһээ Халыма уонна Эбээн Бытантай улуустарын бэтэринэриийэлэрин управлениелара, «Буран А» снегоходу — Өлөөн бэтэринэриийэтин управлениета уонна Абый улууһугар баар Уус Алдан бэтэринэриийэтин управлениетын салаата.
Тиэхиньикэлэр күлүүстэрин СӨ Бырабыыталыстыбатын бэрэссэдээтэлин солбуйааччы Сергей Местников туттарда.
Санатарбыт курдук, Ил Дархан Айсен Николаев сорудаҕынан 2022 сылга судаарыстыбаннай бэтэринээринэй сулууспа сайдыытын стратегията ылыныллыбыта. Бу стратегия сүрүн сыалларыттан биирдэстэрэ — материальнай-техническай баазаны бөҕөргөтүү.
Хаартыска: Саргын Скрябин/СИА
