Саха сирин былаастара өрөспүүбүлүкэ балыыһаларыгар коронавирустаабыт ыарыһахтарга 4,5 тыһ. курдук куойканы арыйарга бэлэмнэр.
«Бүгүҥҥү күҥҥэ биһиги 1300 куойкалаахпыт, онтон 900 туолан турар. Ыарыһахтарга эбии куойка ирдэнэр түгэнигэр биһиги миэстэ ахсаанын 4,5 тыһыынчаҕа диэри элбэтэр кыахтаахпыт», — диэн Ил Дархан «Россия 24» ханаалга иһитиннэрдэ.
Айсен Николаев бэлиэтээбитинэн, өрөспүүбүлүкэҕэ балыыһаҕа киирии элбээбит. Кини этэринэн, Дьокуускайга коронавирус тарҕаныытын утары миэрэлэрэ күүһүрдүлэр.
«Өрөспүүбүлүкэ киэҥ, билигин биһиги көрөрбүтүнэн элбэх түбэлтэ үксүгэр Дьокуускайга бэлиэтэнэр. Ол иһин киин куоракка хааччахтыыр миэрэлэри күүһүрдэбит. Саалаларга киһи ахсаанын 50%-ҥа диэри аччаттыбыт, 9 уонна 11 кылаас үөрэнээччилэриттэн ураты оҕолору дистнационнай үөрэххэ ыытттыбыт. Бүгүн кылаабынай санитарнай быраас Дьокуускай куоракка орто үөрэх устудьуоннарын дистанционнай үөрэххэ көһөрөргө этии киллэрдэ. Мин бу этиини өйүүбүн», — диэтэ Айсен Николаев.
