Өрөспүүбүлүкэ быраастара Донецкай Норуодунай Өрөспүүбүлүкэ Кировскай куоратыгар үлэлэрин бастакы нэдиэлэтигэр 1,5 тыһ. тахса консультацияны оҥорбуттарын туһунан РИА Новостига иһитиннэрдэ.
«Өрөспүүбүлүкэ олохтоохторугар уонна байыаннай сулууспалаахтарыгар неврологтар, УЗИ-исписэлиистэрэ, офтальмологтара, кардиолокка уонна рентген-лабораннар медицинскэй көмө оҥороллор. Медиктэр сууккаҕа 12-14 чаас үлэлииллэр, күҥҥэ 50-чэ киһини көрөллөр. Көрдөрөр дьон ахсаана элбэх, пациеннар ыаллыы сытар куораттартан кэлэллэр», — диэн Ил Дархан эттэ.
Айсен Николаев этэринэн, Өрөспүүбүлүкэтээҕи харах балыыһатын сүрүннүүр бырааһа Иван Луцкан салайыытынан быраастар бөлөхтөрө Саха сиригэр сэтинньи ортотугар төннөн кэлиэхтэрэ.
«Билигин Кировскайга өрөспүүбүлүкэттэн сүүсчэ киһи үлэлиир. Олус таһымнаах үлэлэр ыытылыннылар. Элбэх кыбартыыралаах дьиэни, 2 №-дээх оскуоланы, балыыһаны чөлүгэр түһэрии түмүктэнэр. Кэлэр сылга кэккэ социальнай инфраструктура эбийиэктэригэр үлэлэр саҕаланыахтара, ону куораттааҕы пааркалары саҥардыахпыт. Олохтоох нэһилиэнньэ биһиги биир дойдулаахтарбытыгар махтанар», — диэтэ Айсен Николаев.
