«Суотабай төлөппүөн киирэр кыаҕы салайыы систиэмэтигэр» диэн саха хамаандатын бырайыага, «Стартап экспедиция» Уһук Илиҥҥэ кэлэр кэскиллээх аныгы бырайыактары көрдүүр уонна өйүүр форумҥа III миэстэни ылла. Бу туһунан ТАСС иһитиннэрэр.
«Саха сирин хамаандата электроннай күлүүстэри, суотабай төлөппүөн нөҥүө салайар кыахтаах сыһыарыыны оҥорбут», — диэн этиллэр.
Маҥнайгы миэстэни Владивосток хамаандатын, оҥоруу интеллекка олоҕурбут сайтары оҥорор конструктора ылла. Сүрүн бирииһининэн — икки мөлүйүөн солкубай сууммаҕа тиийэ үбүнэн хааччыллар кыахтаах, «Б8» өрөспүүбүлүкэ инновацияны сайыннарыы пуондатын акселерационнай бырагырааматыгар уонна Startup Village 2020 конференцияҕа кыттар путевканан, «eНано» түмсүү инновационнай бырайыактарын ханнык баҕар куурсугар үөрэнэр сертификатынан наҕараадаланна.
Иккис миэстэни Россияҕа маҥнайгы тобукка уонна тилэх сүһүөҕэр кэтэрдиллэр бионическэй протеһы оҥорбут, Хабаровскай куораттан Hileg Agile бырайыак ылла.
«Стартап экспедиция» — Уһук Илиҥҥэ саамай улахан технологическэй урбааны өйүүр көҕүлээһининэн буолар. Форум чэрчитинэн, сайдыы институтун бэрэстэбиитэллэрэ Уһук Илин 11 регионугар барыларыгар сылдьан, 100-чэкэ кэлэр кэскиллээх бырайыактары күрэххэ кытталларыгар таллылар.
