Балаҕан ыйын 20-30 күннэригэр Москва уобалаһын Покровскай бөһүөлэгэр нуучча дуобатыгар Россия чемпионата ыытылынна.
Турнирга уопсайа 25 гроссмейстер уонна 30 спорт маастара кытыннылар.
Дьахталларга Сандаара Апросимова үс көрүҥҥэ үс мэтээли ылла – «классикаҕа» кыһыл көмүс, «блитцка» үрүҥ көмүс уонна «рапидка» боруонса.
Эр дьоҥҥо гроссмейстер Гаврил Колесов үс көрүҥҥэ үс мэтээли ылары ситистэ.
Оттон нуучча дуобатын саамай түргэн (молниеноснай) көрүҥэр Саха сириттэн Николай Гуляев бастаата, Гаврил Колесов иккистээтэ, Николай Стручков үһүстээтэ.
Тоҕус күннээх күрэхтэһии түмүгүнэн Саха сирин хамаандата аҕыс мэтээллэннэ – икки кыһыл көмүс, үс үрүҥ көмүс уонна үс боруонса.
Санатар буоллахха, дойду чемпионатын түмүгүнэн күүстээх дуобаччыттар аан дойду чемпионатыгар кыттыахтара. Дьахталларга нуучча дуобатыгар сүрүн састаапка Сандаара Апросимова, Алёна Большакова, Анита Данилова киирдилэр, оттон эр дьоҥҥо Николай Гуляев, Гаврил Колесов, Николай Стручков.
