Саха сиригэр 2024 сылга экономическай-социальнай сайдыы киинин былаанын 24 тэрээһинэ олоххо киирэригэр 3,5 млрд. солк. көрүллүөҕэ.
Ил Дархан Айсен Николаев соругунан, Нерюнгритээҕи киин балыыһаҕа саҥа медицинскэй тэрил көрүллүөҕэ, биэс эбийиэккэ хапытаалынай өрөмүөн уонна үс сүрүн дьиэ саҥардыллара былааннанар.
Үөһээ Бүлүүгэ Харбалаах нэһилиэгин Күүлэ сэлиэнньэтигэр элбэх хайысхалаах Атамай сынньалаҥ киинэ, И.Н. Барахов аатынан култуура киинэ тутуллуоҕа.
Дьокуускай куоракка «Глобальнай үөрэхтээһин киинэ» гимназияҕа эбии тутуу уонна 253 миэстэлээх №1 оскуола тутуллуоҕа. Мииринэй куорат политехническэй лиссиэйигэр, Эдьигээн нэһилиэнньэтигэр элбэх өҥөлөөх спортивнай саала баар буолуоҕа.
Ону таһынан, орто анал үөрэхтээһин тэрилтэлэригэр 13 аныгы мастырыскыай оҥоһуллара былааннанар. Дьокуускайга уонна Таатта, Амма улуустарыгар үс модульнай спортивнай саала киириэҕэ. Өрөспүүбүлүкэ үрдүнэн 14 тиэргэни тупсарыахтара. «Полярная звезда» оҕо киинэ, «Якутия» урутаан сайдыы сирэ инфраструктуратын икки эбийиэгэ үлэҕэ киириэҕэ. Сыллата үлэлиир теплица комплексыгар гаас сургуулук тэрилинэн хааччыйыы уонна өрөспүүбүлүкэ нефтебазовай эбийиэгин хаһаайыстыбатын саҥардыахтара.
Бэлиэтээн эттэххэ, Ил Дархан көҕүлээһининэн, Саха сирин экономическэй-социальнай сайдыытын бырайыагын олоххо киллэрии 2018 сылтан саҕаламмыта. Уопсайа 2018 сылтан 2023 сылга диэри Федерация бүддьүөтүттэн 11,3 миллиард солкуобай көрүллүбүтэ. Тоҕус тэрээһин үлэтэ уонна сэттэ социальнай суолталаах эбийиэк, ол иһигэр Уһук Илиҥҥи кардиолагическай киинэ уонна «Квартал труда» кретивнай кластер үлэҕэ киирбиттэрэ.
Саха сиригэр 2024 сылга экономическай-социальнай сайдыы киинин 24 тэрээһинэ олоххо киирэригэр 3,5 млрд солкуобай көрүллүөҕэ.
