Саха сирин элбэх кыбартыыралаах дьиэлэрин олохтоохторо национальнай мессенджергэ — MAКС-ка — дьиэ-уот чаттарыгар холбонор кыахтаннылар. Холбонуу «Госуслуги Дом» сыһыарыы нөҥүө оҥоһуллар.
Дьиэ-уот чатыгар холбонорго, смартфоҥҥа MAКС-ы туруоран баран, «Госуслуги Дом» сыһыарыыны арыйан, судаарыстыбаннай өҥөлөр порталларынан авторизацияланыахха наада. Онно киирэн баран туһанааччы бэйэтин бас билэр баайын-дуолун талыахтаах уонна «Домовый чат» блогка «Присоединиться» диэн баттыахтаах. Ол кэнниттэн чат MАКС иһигэр арыллыаҕа.
Дьиэ-уот чаттара элбэх кыбартыыралаах дьиэлэр олохтоохторун бэйэ-бэйэлэрин уонна салайар тэрилтэлэри кытта хардарыта сибээстэһэллэригэр аналлаах. Манна дьиэни көрүүгэ-истиигэ сыһыаннаах ыйытыылары дьүүллэһиэххэ, сайаапкалары ыытыахха уонна буолар кыһалҕалары быһаарарга аттыларыгар олорор дьону кытта сүбэлэһиэххэ сөп.
Суруйсуу устуоруйата уонна олохтоохтор этиилэрэ дьиэ-уот чатыгар хаалаллар, ол кыттааччыларга инники дьүүллэспит ыйытыыларга төннөргө уонна салайар тэриллиини кытта алтыһыыны кэтээн көрөргө кыах биэрэр.
МАКС национальнай мессенджергэ Саха сирин баһылыгын уонна бырабыыталыстыбатын официальнай ханааллара эмиэ үлэлииллэр.
Ил Дархан Айсен Николаев ханаала: https://max.ru/aisen_nikolaev
СӨ Бырабыыталыстыбатын ханаала: https://max.ru/sakhagov
