Саха сирин хомуур хамаандата 2021 сылга Го оонньууга аан дойду чемпионатыгар кыттыаҕа.
«Биһиги миэстэтигэр Го оонньууну сайыннарар, толору үлэлэтэр сыаллаахпыт. Бэйэбит судьуйалаах, тренердээх, чемпионнардаах буолуохпутун баҕарабыт. Баҕар, билигин оонньуур сахалар инникитин чемпион буолуохтара», – диэтэ регионнааҕы федерация бэрэсидьиэнэ Александр Егоров.
Саха сирин хамаандата бэлэмнэнии чэрчитинэн түөрт россиятааҕы күрэхтэһиигэ кыттыаҕа. Хамаанда түөрт киһилээх, икки сапаас оонньооччулаах.
41-с Гоҕа Чемпионат эһиил бэс ыйын 2-9 күннэригэр Уһук Илиҥҥи федеральнай университекка буолуоҕа. Россияҕа бу бастакытын ыытыллар. Ааспыт сүүрбэ сыл устата Россия оонньооччулара уон биэстэ кыайбыттар. Быйыл 77 дойду кыттара былааннанар.
Чемпионат тэрийэр хамыыһыйатыгар Саха сирин Ил Дархана Айсен Николаев эмиэ баар.
Ыспыраапка: Го оонньуу — остуол оонньуута, былыргы Кытайга үөскээбит, билигин аан дойду барыта оонньуур. Киһи толкуйдуур дьоҕурун, мэйиитин сайыннарар.
