Ахсынньы 19 күнүттэн Донецкай Норуодунай Өрөспүүбүлүкэ Кировскай куоратыгар Өрөспүүбүлүкэтээҕи харах балыыһатын сүрүннүүр бырааһа Иван Луцкан салайааччылаах харах быраастарын биригээдэ үлэлииллэр.
Бу туһунан Айсен Николаев Telegram-ханаала иһитиннэрэр.
«Биһиги офтальмологтарбытын уонна быраастарбытын ДНР-га олус күүтэллэр, ахталлар, Кировскайга өрөспүүбүлүкэ бары муннугуттан дьон кэлэн көрдөрүнэллэр. Донецкайтан кытта кэлэллэр, онно соторутааҕыта балыыһаны буомбалаабыттара. Саха сирин кытта сибээстээх дьон ДНР-га олороллоро киһини соһутар. Холобур, Николай Алексеевич Потапов Чурапчы улууһун Дириҥэр төрөөбүт. Кини биир дойдулаахтарын көрсүтэ, үрдүк хаачыстыбалаах медицинскэй көмөнү ылан олус үөрдэ», — диэн Ил Дархан Telegram-ҥа суруйбут.
Санатар буоллахха, алтынньыга өрөспүүбүлүкэ бастыҥ харах быраастара Кировскай куоракка үлэлээбиттэрэ, 2,5 тыһ. тахса консультацияны оҥорбуттара.
