Россия Гидрометцентрын научнай салайааччыта Роман Вильфанд алтынньыга өрөспүүбүлүкэ хотугу өттүгэр сөҥүү суох буолуо диэн сабаҕалыыр. Бу туһунан ТАСС иһитиннэрэр.
«Россия Илин өттүгэр, Уралга, Арҕаа Сибииргэ уонна Красноярскай кыраай киинигэр — бу регионнарга сөҥүү аҕыйах буолуо. Саха сирин хотугу өттүгэр ардах, хаар аҕыйах буолуо», – диэтэ метеоролог.
Ол гынан баран Уһук Илин сорох регионнарыгар ардахтаах буолуо: Чукоткаҕа, Камчатскай кыраайга, Магаданскай уобаласка уонна Хабаровскай кыраай хотугу өттүгэр.
Салгын температурата дойду бары субъектарыгар нуорматтан аллараа буолуо суоҕа. Алтынньы ый Хотугу-Арҕааҥҥы федеральнай уокурукка, Киин, Приволжскай, Ураллааҕы уонна Сибиирдээҕи уокуруктар хоту өттүгэр сылаас буолуоҕа.
