«Аҕа дойдуну көмүскээччилэр дьиэ кэргэттэрин кэмитиэтин» Дьокуускайдааҕы регионнааҕы штабыгар кэрэ аҥаардар анал байыаннай дьайыыга сылдьар байыастары өйүүр сыалтан көрсүһүүгэ түмүстүлэр.
Кинилэргэ кэмитиэт сахалыы харысхалы оҥорор маастар-кылааһы ыытта. Кэрэ аҥаардар байыастары харыстыыр харысхаллары уолаттарга күүс-сэниэ биэрдин диэн оҥордулар.
«Хас биирдии харысхал биһиги сылааспытын, итэҕэлбитин, алгыспытын иҥэрэ сылдьар. Биһиги байыастарбыт дьиэлэригэр этэҥҥэ буолан төннөн кэлэллэригэр, сулууспаларыгар эбии күүс киирдин диэн бу харысхаллары оҥордубут», — диэн кэмитиэт Саха сиринээҕи салаатын телеграм-ханаалыгар суруллубут.
Хаартыска: «Аҕа дойдуну көмүскээччилэр дьиэ кэргэттэрин кэмитиэтин» Саха сиринээҕи салаатын телеграм-ханаала
