2026 сылга Саха сиригэр сайыҥҥы сынньалаҥынан 50 тыһыынча оҕону хабыахтара. Барыта өрөспүүбүлүкэҕэ 480 оҕо лааҕыра үлэлиэҕэ. Бу туһунан Ил Дархан Айсен Николаев ГТРК «Саха» ханаалга «Прямой разговор» биэриигэ иһитиннэрдэ.
Өрөспүүбүлүкэ баһылыга бэлиэтээбитинэн, лааҕырдарга сайабылыанньалары тутуу ыам ыйын 15 күнүгэр сарсыарда 9 чаастан саҕаланыаҕа. Төрөппүттэр уонна сокуоннай бэрэстэбиитэллэр докумуоннары судаарыстыбаннай өҥөлөр порталларынан, ону тэҥэ лааҕырдарга тиийэн биэриэхтэрин сөп.
«Бүтүн өрөспүүбүлүкэ үрдүнэн араас лааҕырдарга 50 тыһыынчаттан тахса миэстэ көрүллэр. Барыларын сөптөөхтүк бэлэмнээн кэмигэр арыйыахпыт. Оҕолорбут сайын үчүгэйдик сынньаныахтара диэн эрэнэбин», — диэн Ил Дархан бэлиэтээтэ.
Айсен Николаев иһитиннэрбитинэн, өрөспүүбүлүкэҕэ күнүстэри-түүннэри үлэлиир лааҕырдарга путёвкаҕа наадыйыы улахан, ол иһин былаас миэстэлэри элбэтиигэ уонна оҕо сынньалаҥын инфраструктуратын сайыннарыыга үлэтин салгыыр.
Хаартыска: www.sakha.gov.ru
