«МЫ ВМЕСТЕ» аахсыйа чэрчитинэн өрөспүүбүлүкэ норуоттарын маастардара хомуурга ыҥырыллыбыттарга сахалыы харысхаллары, медицинскэй суумкалары оҥороллор.
«Симэх» национальнай киин кэлликтиибэ гуманитарнай көмөнү хомуйда, маастардар медицинскэй аптечкалары тигэллэр. Маны тэҥэ «Харысхал» аахсыйа чэрчитинэн өрөспүүбүлүкэ маастардара сахалыы харысхаллары уонна бэлиэлэри оҥороллор.
Чурапчы, Таатта, Нам, Анаабыр, Абый, Үөһээ Дьааҥы, Өлүөхүмэ, Мэҥэ Хаҥалас, Кэбээйи уонна Эдьигээн маастардара «МЫ ВМЕСТЕ» аахсыйаҕа кыттыстылар. Саха сирин маастардара байыаннай сулууспалаахтарга аптечканы, таҥаһы-сабы, туттар тэрили, аһы-үөлү, эми-тому уонна үбү тиксэрэллэр.
