Өбүгэлэрбит киэһэтин уот оттон, көмүлүөк тула былыр-былыргыттан остуоруйалаһар, үһүйээннэри уостан уоска түһэрэн кэпсэтэр үгэстээхтэр.
«НВК Саха» анал мультимедийнай бырайыагын чэрчитинэн эһиэхэ анаан Саха сирин норуоттарыгар кэпсэнэр куһаҕан тыыннар, абааһылар тустарынан үһүйээннэри, кэпсээннэри хомуйда. Сахалар, эбэҥкилэр, эбээннэр, долганнар, дьүкээгирдэр уонна чукчалар үһүйээннэригэр олоҕурбут тоҕус кэпсээн «тилиннэ». Бу үһүйээннэр өрөспүүбүлүкэ төрүт норуоттарын култуураларын уонна өбүгэлэрбит олоҕу көрүүлэрин көрдөрүөхтэрэ.
Бырайыак үс тылынан оҥоһулунна: сахалыы, нууччалыы уонна английскайдыы.
Бырайыагы «Якутия24», «НВК Саха» ханааллар сайтарыгар уонна «Россия – мин устуоруйам» музей быыстапкатыгар көрүөххүтүн сөп. Быыстапка сэтинньи 1-10 күннэригэр буолуоҕа.
