От ыйын 4-9 күннэригэр Уус Алдан улууһугар Өрөспүүбүлүкэ норуоттарын спортивнай оонньуулара ыытыллар.
Алта күн устата оройуоҥҥа спорт 16 көрүҥэр күрэхтэһиилэр ыытыллыахтара.
От ыйын 3 күнүгэр сарсыарда эрдэттэн оонньуулар кыттыылаахтарын көрсүөхтэрэ, оттон 11.00 чаастан «Кыыс Хана» алааска спортсменнарга алгыс тэрээһинэ буолуоҕа.
От ыйын 5 күнүгэр 20.00 чааска «Майаҕатта Бэрт Хара» стадиоҥҥа оонньуулар үөрүүлээх аһыллыыта буолуоҕа, оттон сабыллыыта от ыйын 9 күнүгэр 20.00 чааска.
Күрэхтэһиилэр от ыйын 4 күнүттэн саҕаланыахтара.
От ыйын 4-8 күннэригэр араас быыстапкалар, тэрээһиннэр, турмаршруттар, кэнсиэрдэр ыытыллыахтара, ол иһигэр от ыйын 6 күнүгэр «Майаҕатта Бэрт Хара» стадиоҥҥа Jah Khalib, Feduk кыттыахтара уонна от ыйын 8 күнүгэр Чараҥ бөһүөлэк Нэлээн диэн алааһыгар ат сүүрдүүтэ буолуоҕа.
Бороҕоҥҥо буолар оонньуулар бырагырааматын толору сигэнэн киирэн көрүөххүтүн сөп.
