Уһук Илиҥҥэ соҕотох норуоттар икки ардыларынааҕы анимация күрэҕэ үһүс төгүлүн Хабаровскайга сэтинньи 1-4 күннэригэр ыытыллыаҕа. Сайаапкалары атырдьах ыйын 1 күнүгэр диэри туталлар.
Ол курдук, Амур кытылыгар анимация индустриятын бэрэстэбиитэллэрин уонна көрөөччүлэри киинэни көрдөрүү, маастар-кылаастар, айар көрсүһүүлэр күүтэллэр.
Бэс ыйын 1 күнүттэн күрэххэ уонна күрэх таһынааҕы бырагыраамаларга кыттарга сайаапкалары тутуу саҕаланар. Күрэххэ Россия, Азия уонна Соҕуруулуу-Илин Азия дойдуларын анимационнай киинэлэрин көрөллөр. Киинэ 30 мүн тиийэ уһуннаах буолуон сөп, 2022 сыл тохсунньу 1 күнүттэн саҕалаан билиҥҥи бириэмэҕэ диэри уһуллубут киинэлэр киирсэллэр.
Бэстибээл анал ааттара:
- Гран-при
- Дьүүллүүр сүбэ анал бирииһэ
- Бастыҥ режиссура
- Бастыҥ уус-уран быһаарыныы
- Бастыҥ анимация
- Бастыҥ тыастаах, муусукалаах киинэ
- Устудьуон бастыҥ киинэтэ
- Бастыҥ сериал
- Бэстибээл оргкэмитиэтин бирииһэ
Бэстибээл күрэҕин таһынан бырагырааматыгар араас тиэмэҕэ толору уонна кылгас анимационнай киинэлэр киирэллэр.
Бэстибээлгэ кыттарга сайтка баар форманан сайаапканы толорон ыытыахха сөп, бу сайтка бэстибээл регламенын кытта билсиэххэ сөп.
III норуоттар икки ардыларынааҕы «Анимур» анимационнай киинэ бэстибээлэ Хабаровскай кыраай Бырабыыталыстыбатын уонна РФ култуура министиэристибэтин өйөбүллэринэн ыытыллар.
Бастакы «Анимур» бэстибээр 2022 сыллаахха Хабаровскайга ыытыллыбыта. Икки сыл устата 20 тыһ тахса көрөөччү аан дойду 83 судаарыстыбатын 547 анимационнай киинэтин көрбүтэ.
Икки сыл устата бэстибээл Уһук Илиннээҕи анимационнай индустрия уонна атын дойдулар бэрэстэбиитэллэрин биир былаһааккаҕа уопут атастаһалларыгар түмэр. Бу тэрээһин Хабаровскай кыраай анимацоннай кылаастерын норуоттар икки ардыларынааҕы анимация искуустубатын таһымыгар таһаарар.
