2020 сылга онкология десаннара өрөспүүбүлүкэ ыраах сытар Арктика оройуоннарыгар сылдьар былааннаахтар. Бу туһунан доруобуйа харыстабылын министиэристибэтин пресс-сулууспата иһитиннэрэр.
«Барыллааһын былаанынан бу сылга онкология десаннара элбэх улуустарынан үлэлиэхтэрэ, ордук Арктика балаһатын ыраах сытар Эбээн Бытантай, Уус Дьааҥы, Булун, Аллараа Халыма, Өлөөн, Жиганскай, Муома, Өймөкөөн, Аллайыаха, Анаабыр, Үөһээ Дьааҥы, Орто Халыма улуустарыгар сылдьыахтара», — диэн иһитиннэриигэ этиллибит.
2020 сыл тохсунньу ыйыгар онкологтар Нам, Абый, Таатта уонна Чурапчы улуустарыгар бара сылдьыбыттара бэлиэтэнэр.
Олохтоохтортон араас анализтары ылбыттара уонна УЗИ-нан көрбүттэрэ. Маны сэргэ киин улуус балыыһаларын быраастарыгар методическэй өҥөнү оҥорбуттара.
Медосмотр бүтүүтэ улуус балыыһаларыгар бэрэбиэркэ түмүгэ мэктиэ суруктаах туһаайыллыахтара. Искэн ыарыылаах пациеннэр Дьокуускай куорат өрөспүүбүлүкэтээҕи онкодиспансерыгар бэрэбиэкэҕэ ыҥырыллыахтара.
