«Мегафон» хампаанньа Амма, Ньурба уонна Алдан улуустарыгар LTE сибээһи киллэрдэ, ону тэҥэ өрөспүүбүлүкэ уон улууһугар сибээс станцияларын саҥатытта. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.
«Сибээс ситимин саҥатытыыга туһаайыллар былааннаммыт үлэбитин ыытан, мобильнай интернет сибээһэ өрүү улаата турар ирдэбилигэр эппиэттиир кыахтанабыт. Сибээс ситимин киэлитин уонна түргэнин улаатыннардыбыт, хабар иэнин кэҥэттибит. LTE сайдыытын көмөтүнэн, биһиги эбийиэктэрбит интернет ситимин хаачыстыбатын 1800, 2100 и 2600 МГц далааһыҥҥа хааччыйаллар», — диэн «Мегафон» хампаанньа Саха сиринээҕи салаатын техническэй салайааччыта Сергей Ким кэпсээтэ.
Түргэн мобильнай интернет ситимэ Амма улууһун Сулгаччы, Бөтүн уонна Абаҕа сэлиэнньэлэрин, Ньурба улууһун Антоновкатын, Мэҥэ Хаҥалас Табаҕа уонна Павловскай сэлиэнньэлэрин, Чурапчы улууһун Харбалааҕын уонна Таатта улууһун Дэбдиргэтин олохтоохторугар кыалымтыа буолла.
LTE уонна LTE-A сибээс базовай станциялара Миириинэй оройуонун Чернышевскай уонна Алмазнай, Нерюнгри оройуонун Беркакитыгар уонна Алдан оройуонун Ленинскай бөһүөлэктэригэр холбоннулар.
