2024 сылга тохсунньуттан муус устарга диэри өрөспүүбүлүкэ сүүмэрдэммит хамаандата «Азия оҕолоро» норуоттар икки ардыларынааҕы VIII-с оонньууларыгар бэлэмнэнии чэрчитинэн, 52 күрэхтэһиигэ кытыннылар. Норуоттар икки ардыларынааҕы, бүтүн Россиятааҕы, Уһук Илиҥҥи турнирдарга уопсайа 288 мэтээли ылбыттара бэлиэтэнэр.
Ол курдук, быйыл 38 бэлэмнэниини Хабаровскай, Махачкала, Новосибирскай, Екатеринбург, Кисловодскай, Дьокуускай, Москва, Владивосток уонна Кытай куораттарыгар аастылар.
Билиҥҥи туругунан, спортсменнарга үөрэтэр-эрчийэр бэлэмнэниилэр, араас тэрээһиннэр буола тураллар.
Санатан эттэххэ, «Азия оҕолоро» норуоттар икки ардыларынааҕы VIII-с оонньуулара бэс ыйын 25 күнүттэн от ыйын 7 күнүгэр диэри Дьокуускай куоракка ыытыллар.
