«Триумф» спорт уораҕайыгар спортивнай тустууга түөрт күн устата күрэхтэһиилэр буолан аастылар.
Ол курдук, бастакы күҥҥэ көҥүл тустууга кыргыттар кытыннылар, иккис күҥҥэ уолаттарга көҥүл тустуу буолла, үһүс күҥҥэ — уолаттарга гректии-римнии тустуу, төрдүс күҥҥэ — сурдлимпийскай тустуу.
Күрэхтэһии түмүгүнэн Саха сирин сүүмэрдэммит хамаандалара 11 мэтээли ыллылар: икки кыһыл көмүс, түөрт үрүҥ көмүс, биэс боруонса.
Көҥүл тустуу (кыргыттар):
3 миэстэ — Куличкина Сардаана (50 киилэ ыйааһыҥҥа)
Көҥүл тустуу (уолаттар):
1 миэстэ — Винокуров Ариан (44 киилэ ыйааһыҥҥа)
2 миэстэ — Афанасьев Власий (44 киилэ ыйааһыҥҥа)
2 миэстэ — Федоров Саян (57 киилэ ыйааһыҥҥа)
3 миэстэ — Софронеев Пантелеймон (68 киилэ ыйааһыҥҥа)
Гректии-римнии тустуу:
3 миэстэ — Егоров Мичил (35 киилэ ыйааһыҥҥа)
3 миэстэ — Наранов Арлтан (52 киилэ ыйааһыҥҥа)
2 миэстэ — Авагян Аршак (75 киилэ ыйааһыҥҥа)
Сурдлимпийскай тустуу:
3 миэстэ — Колодезников Алгыстаан (44 киилэ ыйааһыҥҥа)
2 миэстэ — Ефимов Адилет (52 киилэ ыйааһыҥҥа)
1 миэстэ — Никитюк Александр (62 киилэ ыйааһыҥҥа)
Билиҥҥи кэм туругунан, уопсай түмүккэ Саха сирин бастакы сүүмэрдэммит хамаандата бэһис миэстэҕэ сылдьар (🥇- 18, 🥈- 17, 🥉- 22, уопсайа 57 мэтээл), онтон иккис сүүмэрдэммит хамаанда — 14 миэстэҕэ (🥇- 2, 🥈 — 6, 🥉- 8, уопсайа 16 мэтээл).
VIII «Азия оҕолоро» оонньууларыгар дойдулар хамаандалара хас мэтээли ылбыттарын «Азия оҕолоро» сайт сүрүн сирэйигэр киирэн көрүҥ.
Санатарбыт курдук, бу бээтинсэҕэ, от ыйын 5 күнүгэр, «Триумфка» спортсменнар аны хапсаҕайга киирсиэхтэрэ.
