Россия Улахан тыйаатырын бэлиэ историческай сыанатыгар муус устар 14 күнүгэр Россияттан, Европа дойдуларыттан, Чугас Илинтэн, Азияттан, Африкаттан уонна Соҕуруу Америкаттан биллиилээх опера уонна балет артыыстара, классическай музыка толорооччулара кыттыыны ыллылар.
Саха сириттэн Д.К. Сивцев‑Суорун омоллоон аатынан Саха өрөспүүбүлүкэтин опера уонна балет судаарыстыбаннай тыйаатырын солиһа Екатерина Корякина «Ньургун Боотур» операттан Туйаарыма Куо бастакы ырыатын толордо. Олоҥхо тыйаатырын артыыстара Иванида Алексеева уонна Айсен Кысылбаиков саха төрүт инструменнарынан доҕуһуоллаатылар.
«VIII-с төгүл ыытыллар «Браво» норуоттар икки ардыларынааҕы профессиональнай бириэмийэни туттарыы үөрүүлээх тэрээһинигэр Саха ситтэн кыттыыны ыллыбыт. Россия Улахан тыйаатырын сыанатыгар опера, балет, классическай музыка биллиилээх артыыстара бииргэ түмсэллэр. Маннык таһымнаах тэрээһиҥҥэ кыттыы артыыһы кынаттыыр»,-диэтэ Олоҥхо тыйаатырын артыыһа Иванида Алексеева.
Хаартыска: Тэрээһин пресс-сулууспата
