Саха сирин олохтоохторо Аҕа дойду Улуу Кыайыытын туһунан матырыйаллардаах Музыка-победы.рф интернет-порталынан туһанар кыахтаннылар, Бу туһунан өрөспүүбүлүкэтээҕи үүнэр көлүөнэ пуондатын пресс-сулууспата иһитиннэрэр.
«Биһиги бырайыакпыт үүнэр көлүөнэ ыччат Аҕа дойду Улуу Кыайыыта хайдах ситиһиллибитин билэрин, өбүгэлэрин дьоруойдуу быһыыларын өйдүү-саныы сылдьарын туһугар тэриллибитэ. Үүнэр көлүөнэ пуондата Сахабыт сирин сүүһүнэн ыччатын бииргэ түмпүтүгэр махтанабыт», — диэн бырайыак салайааччыта Татьяна Тихонова бэлиэтээтэ.
Хаартыскалардаах уонна видео роликтардаах сайт Кыайыы Парада ыытыллар күнүгэр, бэс ыйын 24 күнүгэр үлэтин саҕалыаҕа. Бырайыак үүнэр көлүөнэ пуондатынн куонкуруһугар олоҕуран, Дьокуускайдааҕы оҕо айымньытын дыбарыаһынан оҥоһулунна. Сайт аһыллар күнүгэр онлайн кэнсиэр ааһара былааннанар.
